Britaniya Avronu vurur

Böyük Britaniya funt-sterlinqinin qiyməti avroya nisbətdə son yeddi ildə ən yüksək həddə çatıb.

ANS PRESS-in məlumatına görə, Avropa Mərkəzi Bankı hazırda 1 funt-sterlinqin – 1, 40 avro olduğunu bildirib.

Bu, Britaniya turistlərinin Avropa kurortlarına ziyarətlərini 15 faiz ucuzlaşdırıb.

Ekspertlər funt-sterlinqin yüksəlişini Yunanıstanın kredit üzrə borclarını qaytarmaq istəməməsi ilə bağlayırlar.

Hollandiyanın maliyyə naziri Jeroen Dijselbloem deyib ki, bu barədə Afina ilə aparılan danışıqlarda çox az irəliləyiş əldə olunub.