Kadırov İlham Əliyevi “din qardaşları”na yardıma çağırdı

Çeçenistan Respublikasının rəhbəri Ramzan Kadırov islam ölkələrinin liderlərini Yaxın Şərqdə münaqişələrdən əziyyət çəkən eyni dinə etiqad edənlərin müdafiəsinə qalxmağa çağırıb.

“Türkiyə, Səudiyyə Ərəbistanı, BƏƏ, Qətər, Bəhreyn, Oman, Kuveyt, İordaniya, İndoneziya, Malayziya, Qazaxıstan, Türkmənistan, Özbəkistan, Azərbaycan, Tacikistan və yerdə qalan bütün müsəlman ölkələrini “din qardaşları”nın müdafiəsinə qalxmağa çağırıram”, - Kadırov sosial şəbəkədə yazıb.

Kadırovun sözlərinə görə, əgər müsəlmanlar Qərbin insafsız siyasətinə qarşı durmasa bu bəlaya istənilən islam ölkəsi düçar ola bilər.