Lukaşenko bütün siyasi məhbusları əfv etdi

Belarus prezidenti Aleksandr Lukaşenko prezidentliyə keçmiş namizəd Nikolay Statkeviç və daha beş müxalifətçinin əfv olunması barədə qərar qəbul edib.

Oxu.Az bu barədə “Belta”ya istinadla xəbər verir.

Belarus prezidentinin administrasiyasının məlumatına əsasən, Lukaşenko humanizm prinspinidən çıxış edərək Nikolay Dedka, İqor Olineviç, Nikolay Statkeviç, Yevgeni Vaskoviç, Artyom Prokopenko, Yuri Rubtsovu azadlığa buraxmağa qərar verib.

Xatırladaq ki, 2010-cu ildə Belarusda Minskin mərkəzində kütləvi etiraz aksiyaları ilə müşayiət olunan prezident seçkiləri keçirilib. Aksiyalar zamanı etirazçılar MSK-nın yerləşdiyi Hökumət Evinə hücuma cəhd ediblər. Etiraz aksiyaları zamanı 700-dən çox adam həbs olunmuşdu.

Səsvermədən sonra Lukaşenkonun doqquz rəqibindən beşi, həmçinin Nikolay Statkeviç həbs olunaraq “kütləvi aksiyaların təşkilinə” görə müxtəlif müddətə azadlıqdan məhrum olunmuşdular. N.Statkeviç altı illik cəzasını ciddi rejimli həbsxanada çəkirdi.