Gülər Əhmədova videobloqqer olacaq

Yaxın vaxtlarda youtube.com – da bir videobloqqer-psixoloq kimi fəaliyyətə başlayacam.

Bunu keçmiş millət vəkili, psixologiya elmləri namizədi Gülər Əhmədova Moderator.az-a deyib.

Onun sözlərinə görə, internetin imkanlarından istifadə edərək məsləhətlər, depressiyadan qurtulmaın yolları barədə həm valideynləri, həm də gəncləri maarifləndirmək lazımdır:

“Əgər mən, bir nəfərə belə kömək edə bilsəm, bu həm böyük savab, həm də bir alim kimi cəmiyyətə faydalı olmağım üçün böyük bir addım olardı. Çünki hər birimiz bir insan olaraq bir can qutarsaq, bu bəlanın qarşısını kəsə bilərik. Ümumiyyətlə, demək istəyirəm ki, istənilən depressiyadan, çıxılmaz kimi görünən vəziyyətdən hər zaman çıxış yolu var. Unutmamalıyıq ki, həyatın bütün sınaqları sadəcə bir imtahandır və buna imtahan kimi yanaşmaq lazımdır. Pis günün ömrü az olar deyib atalarımız”.