Quşlar təyyarəni bu hala saldı – FOTO

Türkiyədə İstanbul – Nevşehir reysi ilə hərəkət edən “Türk Hava Yolları” (THY) aviaşirkətinə aid təyyarə eniş vaxtı quş sürüsü ilə toqquşub.

ANS PRESS-in məlumatına görə, TK 2004 səfər saylı “Boeing 738” tipli təyyarə Nevşehir-Kapadokya hava limanına enərkən quş sürüsü ilə rastlaşıb.

Quşlarla toqquşması nəticəsində təyyarənin uc hissəsində və qanadlarında əzilmələr meydana gəlib.

Yaranmış təhlükəli vəziyyətə baxmayaraq pilot təyyarəni problemsiz şəkildə endirməyə nail olub.

Nevşehir-Kapadokya hava limanı rəsmiləri hazırda təyyarənin təmir üçün anqarda olduğunu bildiriblər.