“PAŞA Bank”: Fərid Axundov bankda işini davam etdirir

Azərbaycanın “PAŞA Bank” ASC Bankın İdarə Heyətinin sədri Fərid Axundovun vəzifəsindən ayrılması ilə bağlı yayılan xəbərləri təkzib edib.

Bu barədə Oxu.Az-a bankın mətbuat xidmətinin rəhbəri Əmir Məmmədov bildirib.

Əmir Məmmədovun sözlərinə görə, Fərid Axundov hazırda Bankın İdarə Heyətinin sədri vəzifəsində işini davam etdirir.

Qeyd edək ki, aprelin 2-də Qafqazinfo saytında “PAŞA Bank”ın İdarə Heyətinin sədri Fərid Axundovun Azərbaycan Beynəlxalq Bankına (ABB) sədr təyin olunması ilə bağlı xəbərlər yayılmışdı.