Merkel Ermənistanda Dağlıq Qarabağ münaqişəsindən danışdı

"Almaniya Dağlıq Qarabağ münaqişəsinin nizamlanması üçün əlverişli mühitin yaranmasına yardım göstərməyə hazırdır".

AzNews.info xəbər verir ki, "Report"un Ermənistan KİV-inə istinadən verdiyi məlumata görə, bunu Almaniya kansleri Angela Merkel Yerevanda Ermənistanın baş naziri Nikol Paşinyanla birgə keçirdiyi mətbuat konfransında deyib.

Onun sözlərinə görə, Almaniya ATƏT-in Minsk qrupunun üzvüdür: "Biz görüşdə münaqişənin həllinin vacibliyindən danışdıq. Əlbəttə, münaqişəni həll etmək yaxşı olardı. Amma əlverişli mühitdə qərar vermək çox vacibdir. Almaniya da bu işdə kömək etməyə hazırdır".

A.Merkel bildirib ki, münaqişə danışıqlar yolu ilə həll edilməli və bunun üçün hər cür səy göstərilməlidir.