Gədəbəyin icra başçısı vəzifədən çıxarıldı

Bu dəqiqələrdə prezident İlham Əliyevin Gədəbəy rayon icra hakimiyyətinin başçısı Ramiz Yediyarovun vəzifədən azad edilməsinə dair sərəncamı dərc edilib.

Sərəncam prezidentin rəsmi saytında yerləşdirilib.

* * *15:15

Gədəbəy rayonunun icra hakimiyyəti başçısı Ramiz Yediyarov işdən çıxarılıb.

Virtualaz.org xəbər verir ki, bu barədə məlumatı Gədəbəy rayon İcra Hakimiyyətinin əməkdaşı təsdiqləyib.

“Bəli, xəbər doğrudur, başçı vəzifədən çıxarılıb. Artıq işdə deyil. Yerinə kimin təyin ediləcəyi haqda məlumatımız yoxdur, müxtəlif adlar çəkilir”-mənbə bildirib.



Prezident İlham Əliyevin icra başçısının işdən azad edilməsinə dair sərəncamının gün ərzində dərc ediləcəyi gözlənilir.

Ramiz Yediyarov bu vəzifəyə təyin olunmazdan əvvəl 14 saylı Şəmkir ərazi Vergilər İdarəsinin rəhbəri idi və keçmiş vergilər naziri Fazil Məmmədovun kadrı hesab edilirdi. Son vaxtlar rayondan onun barəsində çoxsaylı şikayətlər mətbuatda dərc olunurdu. Virtualaz.org da bir neçə dəfə Gədəbəydə sahibklarların sıxışdırılması problemləri barədə yazıb.