Almaniya ABŞ-ın qərarına qarşı – ABŞ-ın sanksiyalarına qarşı çıxdı

“Şimal axını-2” layihəsinin operatoru Almaniyanın ərazi sularında qaz kəmərinin tikintisi üçün icazə alıb.

RİA Novosti bildirir ki, bu barədə “Nord Stream 2 AG” şirkətinin saytında məlumat yerləşdirilib.

Qeyd olunub ki, qaz kəmərinin Lyubmin ərazisində quru hissəsinin çəkilməsinə müsbət rəy verilib.

Qeyd edək ki, ABŞ-ın dövlət katibi Reks Tillerson “Şimal axını 2” təbii qaz boru kəmərinə qarşı çıxıb. Bildirib ki, Rusiya və Almaniya arasında nəzərdə tutulan layihə Avropa üçün təhlükə yaradır.

Virtualaz.org xatırladır ki, 200 kilometr uzunluğundakı “Şimal axını 2” qaz kəməri Baltik dənizindən keçməklə Rusiyadan Almaniyaya ildə 55 milyard kubmetr qaz nəql edəcək gücə malik olacaq. Almaniyanın “Wintershall”, Avstriyanın “OMV”, eləcə də “Dutch Shell” şirkətləri layihənin əsas tərəfdaşlarındandır.

“Şimal axını 2” (“Nord Stream 2”) təbii qaz boru kəməri layihəsi 2019-cu ilin sonunadək başa çatdırılmalıdır.