Putin: “Saakaşvilinin etdikləri Ukrayna xalqının üzündə tüpürcəkdir”

Rusiya prezidenti Vladimir Putin Saakaşvili ilə bağlı yaranmış vəziyyəti “ukraynalıların üzündə tüpürcək” adlandırıb.

Virtualaz.org bildirir ki, bunu o, Moskvada keçirdiyi ənənəvi illik mətbuat konfransında jurnalistlərin suallarını cavablandırarkən deyib.

Putinin sözlərinə görə, Saakaşvili daha əvvəl müstəqil gürcü dövlətinin prezidenti idi, amma "indi orada küçələri ölçür və "Mən ukraynalıyam!" deyə bütün aləmə car çəkir”.

“Saakaşvilinin etdikləri gürcü və Ukrayna xalqlarının üzündə tüpürcəkdir. Buna necə dözürsünüz? Bəyəm, Ukraynada əsl ukraynalılar yoxdur? Bunu seyr etmək ağırdır, ürəyim ağrıyır”, - deyə V.Putin vurğulayıb.