Hitleri satmış, Stalindən orden almış Rumıniya kralı öldü

Rumıniyanın keçmiş kralı I Mixay bu gün İsveçrədəki iqamətgahında 96 yaşında vəfat edib. Virtualaz.org bildirir ki, bu barədə Rumıniya Kral evi məlumat yayıb.

Ötən ilin mart ayında keçmiş krala xərçəng diaqnozu qoyulub. Əməliyyat keçirən Mixay ictimai fəaliyyətdən kənarlaşıb.

Xatırladaq ki, İkinci Dünya müharibəsi illərində Rumıniya faşist Almaniyası tərəfində vuruşub, lakin 1944-cü ildə sovet qoşunları Rumıniya sərhədinə yaxınlaşdığı vaxt I Mixay Hitlerin əleyhinə çıxıb və Almaniyaya qarşı mübarizəyə qoşulub.

1945-ci ildə Stalin onu “Qələbə” ordeni ilə təltif edib.