1200 bank hesabı donduruldu, 500 məmurun 800 milyard pulu müsadirə olunacaq - Dünyanın gözü Səudiyyədə

Səudiyyə Ərəbistanında antikorrupsiya əməliyyatı çərçivəsində saxlanılan bir sıra məmurların bank hesabları dondurulub.

Əməliyyat başlayandan sonra artıq 1200 bank hesabı dondurulub.

Bundan əvvəl bildirildiyi kimi, Krallıqda gözlənilən yeni antikorrupsiya əməliyyatı çərçivəsində 500-dən çox məmur həbs edilə bilər/Trend.

Qeyd edək ki, noyabrın 4-də Səudiyyə Ərəbistanında vəliəhd Məhəmməd bin Salmanın rəhbərliyi ilə Korrupsiya ilə mübarizə üzrə Ali Komitənin yaradılması haqqında fərman imzalanıb.

Növbəti gün Ali Komitə sabiq nazir, hərbçi və sahibkarların da daxil olduğu 40-a yaxın nüfuzlu şəxsin saxlanması barədə əmr verib.

Mia.az xəbər verir ki, dondurulan hesablarda ümumilikdə 800 miyard dollara yaxın vəsait var.

Səudiyyədən verilən rəsmi məumata görə, bütün bu vəsaitlər, o cümlədən həbs edilənlərin əmlakları dövlətin xeyrinə müsadirə olunacaq.