XİN: Ukrayna Dağlıq Qarabağda keçirilən “referendum”u tanımır

Ukrayna Dağlıq Qarabağda keçirilən “referendum”un konstitusional və hüquqi quruluşunu tanımır.

Oxu.Az-ın xəbərinə görə, bu barədə ölkənin Xarici İşlər Nazirliyinin yaydığı məlumatda deyilir.

“Azərbaycan Respublikasının konstitusiyasına zidd olan “referendum”un heç bir hüquqi əsası ola bilməz.

Ukraynanın Dağlıq Qarabağ münaqişəsi üzrə mövqeyi dəyişilməz qalır - Ukrayna Azərbaycanın suverenliyini və beynəlxalq səviyyədə tanınmış sərhədlərdə ərazi bütövlüyünü tanıyır”, - məlumatda bildirilir.