İran Dağlıq Qarabağda qondarma “parlament seçkiləri”ni tanımır

İran Dağlıq Qarabağ münaqişəsində Azərbaycan tərəfini dəstəkləyir.

AzNews.info-nun Trend-ə istinadən məlumatına görə, bu barədə İranın Azərbaycandakı səfirliyinin saytında dərc olunan məlumatda deyilir.

Məlumatda İran Xarici İşlər Nazirliyinin mətbuat katibi Mərziyyə Əfxəmə istinadən qeyd olunur ki, Tehran Dağlıq Qarabağda qondarma “parlament seçkiləri”ni tanımır.

M.Əfxəm deyib: “Biz hesab edirik ki, belə addımlar regionda problemin həlli prosesini çətinləşdirir”.

O, həmçinin bildirib ki, İran regionda sülh, təhlükəsizlik və sabitliyin əleyhinə yönələn istənilən fəaliyyətin əleyhinədir.