“NATO sammitində qalmaqal” – Ərdoğan Merkeli…

Turkustan.info xəbər verir ki, “Spiegel Online” başda olmaqla Almaniyanın nüfuzlu media orqanlarının “NATO sammitində qalmaqal” başlığı ilə yaydıqları xəbərdə, Türkiyənin İncirlik hərbi bazasında olan alman əsgərlərini ziyarət etmək istəyən Almaniya parlamentinin deputatlarına icazə verməməsinin böhrana səbəb olduğu bildirilir.

İddialara görə, Merkel Ərdoğandan alman deputatların İncirlik ziyarətinə icazə verməsini tələb edib. Ancaq Ərdoğan Merkelin bu tələbinə saxta “erməni soyqırımı” layihəsi ilə cavab verib. Ərdoğan Merkeldən hökumətinin saxta “erməni soyqırımı” layihəsini dəstəkləmədiyini açıqlamasını, deputatların isə saxta layihəni rədd etmələrini istəyib. Türkiyə prezidenti ancaq bundan sonra millət vəkillərinin İncirlikə səfər edə biləcəyini deyib. Merkel isə “qarşılıqlı diplomatik mövqelərimizi müəyyənləşdirdik” deyərək, baş vermiş qalmaqalı yumşaltmağa çalışıb.

Qeyd edək ki, bəzi alman mediası baş verdiyi iddia olunan olayı, “Ərdoğan Merkeli acıladı”, bəziləri isə “NATO sammitində qalmaqal” başlığı təqdim edib.