AzNews.info-ya xain hücum!

18 aprel 2016-cı il tarixində AzNews.info saytının rəsmi facebook səhifəsinə hücum olub.

Xakerlərin xain hücumu nəticəsində AzNews.info-nun rəsmi facebook səhifəsi 18 aprel 2016-cı il tarixində bir qrup şəxs tərəfindən ələ keçirilmişdir. Bununla bağlı, dərhal hüquq-mühafizə orqanlarına müraciət olunub. Təhqiqatın gedişatına mane olmamaq üçün 18.04.2016 tarixindən 22.04.2016 tarixinə kimi, səhifənin hücuma məruz qalması barədə rəsmi məlumat verilməyib.

Nəticədə, 22 aprel 2016-cı il tarixində Rabitə və Yüksək Texnologiyalar Nazirliyinin səyi və köməyi nəticəsində saytın itirilmiş rəsmi facebook səhifəsini bərpa etmək mümkün olub. Cinayətkarların axtarışı üzrə tədbirlər isə davam etdirilir.

Son 4 gün ərzində, bizdən asılı olmayan səbəblər nəticəsində rəsmi facebook səhifəmizdə oxucularımıza qarşı edilmiş hər hansı hörmətsizliyə görə, hər birindən üzr istəyir, təhlükəsizlik tədbirlərinin gücləndirilməsi sayəsində bu kimi halların bir daha yaşanmaması üçün əlimizdən gələni edəcəyimizi bildiririk. Bundan əlavə, son 4 gün ərzində səhifənin cinayətkarlardan alınması istiqamətində 24 saat boyunca çalışan RYTN əməkdaşlarına öz dərin təşəkkürümüzü bildiririk.