Məkkədə faciə: Ölənlərin sayı 100-ü ötdü – VİDEO+FOTO

Məkkədə qaldırıcı kranın aşması nəticəsində ölənlərin sayı 107 nəfərə çatıb, 238 nəfər xasarət alıb.

Oxu.Az-ın RİA Novosti-yə istinadən verdiyi xəbərə görə, bu barədə Səudiyyə Ərəbistanı Mülki Müdafiə Nazirliyinin son açıqlamasında bildirilir.

Bundan əvvəl 87 nəfərin öldüyü, 184 nəfərin xəsarət aldığı bildirilirdi.

Hadisənin başvermə səbəblərinə dair rəsmi açıqlama hələ ki, verilməyib.

Yerli KİV-lər hadisəyə səbəb kimi güclü külək və yağıntılı havanı göstərirlər.

Qeyd edək ki, hazırda Məkkədə Həcc ziyarəti həyata keçirilir.

Azərbaycan vətəndaşları arasında zərərçəkən yoxdur. Azərbaycandan Məkkəyə gedən azərbaycanlı zəvvarlar Mədinədə mehmanxanalara yerləşdirilib.