Neftin qiymətinə təsir edən son proseslər

Neftin qiymətinin ucuzlaşmasının davam etməsi Brent markalı neftin qiyməti ilə WTI neftinin qiyməti arasındakı fərqi 6,03 dollara çatdırıb.

Oxu.Az xəbər verir ki, cümə günü Nyu-Yorkun NYMEX əmtəə birjasında keçirilən elektron ticarət əməliyyatlarının gedişində Texas markalı neftin qiyməti həftə içində 5,99% dəyər itirib.

Belə ki, cümə günü qeyd olunan neftin qiyməti 0,64% azalaraq, 48,14 dollara düşüb.

Qərb analtikləri isə bildirib ki, ABŞ-ın Baker Hughes şirkətinin qazma quyularının sayını 21 ədəd artıraraq, 659-a çatdırdığını bildirməsi Texas markalı neftin qiymətinini kəskin ucuzlaşdırıb.

ICE London qitələrarası birjasında Brent markalı neftin qiyməti isə ötən həftə içində 4,34% aşağı düşüb.

Qeyd edək ki, İran və “Altılıq” ölkələri arasında əldə olunan razılığın neftin qiymətinə təsiri də istisna deyil. Belə ki, İranın ixracata hazır 30 milyon barel neftinin olması bazara informativ təsir göstərib. Amma ekspertlər isə bildirirlər ki, İran neftinin bazara daxil olması bir neçə ay vaxt aparacaq.

Xatırladaq ki, neft istehsalının həcminin artmasına, ABŞ-ın istehsalı artırması və OPEK-in istehsalı azaltmamaq barəsində son qərarı təsir göstərib.

Onu da əlavə edək ki, neftin ucuzlaşma tendensiyası davam edir.