CNN: “Formula 1” Azərbaycana böyük dividendlər gətirəcək – VİDEO

Amerikanın CNN telekanalı Bakının “Formula 1” yarışına hazırlığı ilə bağlı reportaj təqdim edib.

Oxu.Az xəbər verir ki, reportajda deyilir ki, 2016-cı ilin yayında Bakıda “Formula 1” yarışları keçiriləcək:

“Şəhərdə yarışların marşrutu dəniz və tarixi mərkəz boyu 6 kilometr təşkil edəcək. Şəhərin daş yollarına müvəqqəti olaraq asvalt çəkiləcək.

Bu hadisə gənclər və idman naziri Azad Rəhimov və hökumətin sayəsində baş verəcək”.

Nazirin sözlərinə görə, ölkə gəncləri Bakı və regionların inkişaf səviyyəsini nümayiş etdirmək üçün hər bir imkandan istifadə edirlər.

“Bizimkilər avotobillərdə yarışmağı sevirlər (gülür). Və onlara canlı olaraq yarışları izləmək olduqca böyük zövq olacaq”, - Azad Rəhimov deyib.

Reportajın sonunda qeyd olunduğu kimi, yarışlar Azərbaycana böyük dividendlər gətirəcək.