BP Cənub Qaz Dəhlizi layihəsi ilə bağlı görülən işlər barədə

Cənub Qaz Dəhlizi layihəsi ilə bağlı nəzərdə tutulan işlərin (torpağın alınması, onun layihələndirilməsi və s) təxminən 31%-i artıq yekunlaşıb.

Oxu.Az xəbər verir ki, bu barədə BP şirkətinin Azərbaycan, Gürcüstan və Türkiyə üzrə regional prezidenti Qordon Birrel jurnalistlərin sualına cavab olaraq bildirib.

Birell əlavə edib ki, Səngəçəl terminalının Şahdəniz 2-dən qazı qəbul etməsi üçün işlər plan üzrə davam edir.

Bundan əlavə regional prezident əlavə edib ki, Gürcüstanda iki nəhəng kompressor stansiyası tikiləcək:

“Gürcütanda artıq onların tikintisinə başlanıb. Ümumilikdə, "Şahdəniz" layihəsinin ikinci hissəsi və Cənub Qaz Kəməri üçün təkcə Azərbaycanda dəyəri 10 mlrd. dollardan artıq olan müqavilələr imzalanıb. Yalnız Azərbaycanda Şahdəniz 2 və Cənubi qafqaz boru kəmərinin genişləndiirlməsi layihəsinə 12 500 nəfər işçi cəlb olunub” - deyə, Birell əlavə edib.