Karbamid zavodunun işə düşəcəyi tarix açıqlandı

Azərbaycan Dövlət Neft Şirkətinin (SOCAR) karbamid zavodunun tikintisi işləri 99,2 faiz başa çatıb. Bunu zavodun direktoru Xəyal Cəfərov deyib.

O qeyd edib ki, layihənin bu ilin dördüncü rübündə təhvil veriləcəyi gözlənilir.

Direktorun sözlərinə görə, avqust-sentyabr aylarında ilk köməkçi məhsul – ammiak istehsal olunacaq:

“Bundan sonra karbamid istehsalı üzrə bölmə işinə başlayacaq və “Made in Azerbaijan” brendi ilə ilk karbamid oktyabr-noyabr ayında əldə olunacaq”.