Bəzi banklarda dollar bahalaşıb

Bu gün ölkənin bir neçə bankı valyutanın satış və alış qiymətlərini bahalaşdırıb.

Fins.az xəbər verir ki, səhər saatlarından banklar 1 dolları 1,7200 manatdan baha alır, 1,7750 manatdan da yüksək satır.

Araşdırmaya əsasən, dünən “Bank BTB” dolları 1,7400 manata alıb 1,7800 manata satırdı. İndi isə alış 1,7450, satış isə 1,7900 manata bərabərdir.

“Günaybank” da qiymətləri bahalaşdırıb. Belə ki, hazırda bank dolları 1,7560 manata alır, 1,7800 manata satır. Dünən isə bu göstərici müvafiq olaraq 1,7540 və 1,7770 manat təşkil edib.
“AtaBank” yalnız satışı bahalaşdırıb: 1,7850-dən 1,7900 manatadək.

“Caspian Development Bank” isə alışı bahalaşdırıb, satışı ucuzlaşdırıb: alışı 1,7300 manatdan 1,7350-dək; satışı - 1,8000 manatdan 1,7950-dək.