Yumurtanın qiyməti ucuzlaşıb – VİDEO
Paytaxt bazarlarında satılan yumurtanın qiyməti ucuzlaşıb.
18-20 qəpiyə satılan broyler yumurtası indi 13-15 qəpiyə təklif olunur.
Satıcılar bildirirlər ki, yumurtanın qiymətinin ucuzlaşmasını hər şirkət fərqli şəkildə həyata keçirib. Bəzi şirkətlər üç, digərləri isə beş qəpik endirim ediblər. Bazarda hətta 10 qəpiyə də yumurtaya rast gəlmək mümkündür.
Respublika Quşçuluq Cəmiyyətinin sədri Aydın Vəliyev deyir ki, qiymətləri bazar və şirkətlər özü tənzimləyir. Bu səbəbdən fərqlərin olması normaldır.
O bildirib ki, yumurtanın qiymətinin ucuzlaşması istehsalın artması ilə əlaqədardır.
AzNews.info Xezerxeber.az-a istinadən mövzu ilə bağlı daha ətraflı videomaterialı təqdim edir:
Mənbə: XəzərXəbər
