Azərbaycanın bank sektoru ilə bağlı vacib rəqəmlər – AÇIQLANDI

Azərbaycanda fəaliyyət göstərən 32 bankın 31 dekabr 2016-cı il tarixinə cəmi aktivləri 31 mlrd. 439,5 mln. manat, cəmi öhdəlikləri 29 mlrd. 530,7 mln. manat təşkil edib.

Oxu.Az-a Maliyyə Bazarlarına Nəzarət Palatasından (MBNP) verilən məlumata görə, sektorun balans kapitalı 1 mlrd. 908,8 mln. manatdır. Əhalinin əmanətləri 7 mlrd. 432,1 milyon manat həcmindədir.

Bu banklardan ikisi dövlət bankıdır. Xarici kapitallı bankların sayı 15, o cümlədən xarici bankların yerli filiallarının sayı 2-dir. Bankların filiallarının sayı 569, şöbələrinin sayı 131, ATM-lərin sayı 2461-dir.

Bütövlükdə, bank sektorunun işçi heyəti 16 min 947 nəfər təşkil edir. Maliyyə bazarlarının digər iştirakçıları olan bank olmayan kredit təşkilatlarının (BOKT) sayı 144, o cümlədən kredit ittifaqlarının sayı 97-dir. BOKT-nin işçi heyəti 2 min 657 nəfər təşkil edir.