Regionda yeni nəqliyyat dəhlizi yaradılır

İran, Ermənistan, Gürcüstan, Bolqarıstan və Yunanıstan Fars körfəzindən Qara dənizədək uzanan nəqliyyat dəhlizi yaratmaq niyyətindədir.

AzNews.info-nun APA-ya istinadən verdiyi məlumatına görə, bu barədə İranın İRİB agentliyi xəbər verir.

Məlumata əsasən, bu məqsədlə adıçəkilən ölkələrin nümayəndələri 12-13 iyul tarixlərində Bolqarıstanın paytaxtı Sofiyada görüşərək müzakirə aparacaqlar.

Qeyd edək ki, qeyd edilən məsələ Ermənistanın xarici işlər naziri Edvard Nalbandyanın İrana səfəri çərçivəsində bu ölkənin prezidenti Həsən Ruhani ilə müzakirə olunub.