İrandan neftin qiyməti ilə bağlı pis xəbər

İran gündəlik neft hasilatını 3,8 milyon barrelə yüksəldib.

Axar.az xəbər verir ki, bu barədə parlamentdə çıxışı zamanı İranın Neft naziri Bicən Zəngənə deyib.

O, hasilatın artmasında İrana qarşı sanksiyaların ləğvinin önəmli rol oynadığını bildirib:

"2013-cü ilin ortalarında neft hasilatımız 2,7 milyon barrel, ixracatımız isə 1 milyon barreldən az idi. Sanksiyalardan sonra hasilatımızı gündəlik 3,8 milyon barrelə yüksəltmişik. Hazırda müəyyən edilmiş neft ehtiyatlarımız 158 milyard barreldir və bu göstəriciyə görə, Venesuela və Səudiyyə Ərəbistanından sonra 3-cü yerdəyik. Təbii qaz ehtiyatlarımız isə 34 trilyon kubmetrdir".

Qeyd edək ki, bu ilin yanvarında İrana tətbiq edilən sanksiyalar ləğv olunub.

İranın və digər neft istehsal edən ölkələrin hasilatı artırması birjalarda "qara qızıl"ın qiymətinə mənfi təsir edir.