SOCAR Gürcüstanın qaz bazarı uğrunda mübarizədən qalib ayrıldı

Bu gün Gürcüstan və SOCAR arasında Azərbaycandan əlavə təbii qaz tədarükü barədə saziş bağlanacaq.

Oxu.Az “Qruziya Online” istinadən xəbər verir ki, Gürcüstanın Energetika Nazirliyində sazişin Gürcüstanaın baş naziri Georgi Kvirikaşvili və Tbilisidə səfərdə olan Azərbaycan Dövlət Neft Şirkətinin prezidenti Rövnəq Abdullayev imzalayacaqlar.

Azərbaycandan əlavə təbii qaz tədarükü ilə əlaqədar dəyişikliklər tərəflər arasında 2011-ci ilin dekabrında bağlanmış memoranduma daxildir.

Saziş imzalanana qədər Gürcüstanın baş anziri Georgi Kvirikaşvili, energetika naziri Kaxa Kaladze və SOCAR-ın prezidenti Rövnəq Abdullayevin görüşü olacaq.

Hökumət administrasiyasında görüş saat 14.00-a planlaşdırılıb.