Azərişıqdan daha bir şikayət

Hacıqabul rayon sakini saytımıza şikayət məktubu yollayıb.

Hacıqabul rayonu, Kolani kənd sakini İlqam Əsgərov Azərişıq ASC-dən şikayətçidir. O, AzNews.info-yayazdığı məktubunda qeyd edir ki , kənd sakinlərinin bir çoxunun enerji təchizatına görə borcları olmadıqları halda, onlara elektrik enerjisinin verilməsi artıq 2 gündür ki, təmin olunmur. Belə ki, yalnız bir neçə borclu abonentə görə, 16 abonentə xidmət edən transfarmatordan bütün abonentlərin enerji təchizatı dayandırılıb. Şikayətçinin sözlərinə görə, bu hal artıq mütəmadi xarakter daşıyır. Bundan öncə də, bir neçə abonentə görə, bütün abonentlərə elektrik enerjisi təminatı təmin edilməyib.

Məsələ ilə bağlı, qarşı tərəfin də fikirlərini dərc etməyə hazırıq.