“Qaradağ” yatağında yeni quyu istismara verildi

“Qaradağ” yatağındakı 485 nömrəli quyu qazmadan sonra istismara verilib.

Azərbaycan Respublikası Dövlət Neft Şirkətinin (SOCAR) mətbuat xidmətindən Oxu.Az-a bildirilib ki, məhsuldar qat çöküntülərinin VIII horizontuna qazılmış quyu 3200-3180 metr dərinlik intervalından hazırda sutkada orta hesabla 55 min kubmetr qaz hasilatı ilə işləyir. Quyuda istismar işləri “Azneft” İB-nin Qaz anbarları istismarı idarəsi tərəfindən həyata keçirilir.