SOCAR Novorossiysk limanından xam neft ixracını artırdı

Dövlət Neft Şirkəti (SOCAR) 2015-ci ilin yanvar-noyabr ayları ərzində Novorossiysk limanından 1 milyon 270 min 108 ton neft ixrac edib. Bu isə ötən ilin anoloji dövrü ilə müqayisədə 36,2% çoxdur.

Oxu.Az xəbər verir ki, bu barədə SOCAR-ın açıqladığı yeni hesabatda deyilib.

“SOCAR 2015-ci ilin noyabr ayında Novorossiysk limanından 169 min 661 ton neft ixrac edilib”, - deyə şirkətin məlumatında deyilib.

Qeyd edək ki, 2015-ci ilin oktyabr ayında SOCAR Novorossiysk limanından neft yola salmayıb. Bir öncəki ay isə, yəni sentyabrda isə adıçəkilən limandan 169 min 775 ton neft ixrac edilmişdi.

Bundan başqa, şirkətdən bildirilib ki, ötən ay dünya bazarlarında “Brent” markalı neftin bir barelinin orta qiyməti 44,3 dollar, “Urals” markalı neftin bir barelinin qiyməti 43,05 dollar, “BTC FOB Ceyhan” markalı neftin qiyməti 45,18 dollar təşkil edib.