SOCAR Novorossiysk limanından neft nəqlini bərpa etdi

SOCAR 2015-ci ilin iyul ayında Novorossiysk limanından 167 min 711 ton xam neft ixrac edib.

Bu barədə Oxu.Az-a Azərbaycan Dövlət Neft Şirkətindən (SOCAR) bildirilib.

Şirkətin məlumatına görə, Supsa və Ceyhan limanlarından ixrac edilən neftin həcmi bir ayda azalıb:

Belə ki, Supsa limanından 84 min 736 ton, Ceyhan limanından isə 1 milyon 196 min 306 ton xam neft ixrac edilib.

SOCAR 2015-ci ilin iyun ayında isə Supsa limanından 339 min 20 ton, Ceyhan limanından 1 milyon 925 min 699 ton xam neft ixrac etmişdi.

“Ümümilikdə yanvar-iyul ayları ərzində Novorossiysk limanından 845 min 757 ton, Supsa limanından 1 milyon 609 min 636 ton, Ceyhan limanından isə 10 milyon 400 min 254 ton xam neft ixrac edilib. SOCAR tərəfindən ixrac olunmuş xam neftin göstəriciləri həm Azərbaycan dövlətinə, həm də şirkətin özünə məxsus xam neft həcmlərini əks etdirir”-deyə, Dövlət Neft Şirkəti qeyd edib.

Qeyd edək ki, SOCAR 2015-ci ilin iyun ayında Novorossiysk limanından neft nəqlini dayandırmışdı.