İran istehsal edəcəyi avtomobillərin 1/3-ni xaricə satacaq

10 illik dövrə hesablanmış perspektiv planlara əsasən, İran avtomobil istehsalını 3 milyona çatdıracaq.

Oxu.Az Rusiya mətbuatına istinadən xəbər verir ki, bu barədə İranın sənaye, mədən və ticarət naziri Məhəmməd Rza Nemətzadə bildirib.

Nazir bildirib ki, yerli istehsal olan İran avtomobillərinin 1/3 hissəsi xarici bazara çıxarılması planlaşdırılıb.

Məhəmməd Rza Nemətzadə qeyd edib ki, hazırda İranda ildə 1,5 milyondan 1,6 milyona qədər avtomobil yerli şirkətlər tərəfindən istehsal edilir və onların hamısıı milli standartlara tamamilə uyğundur.

Nazir İran avtomobillərinin ekoloji standart keyfiyyətinin yüksəldilməsi məqsədilə xarici şirkətlər ilə əlaqələrin qurulacağını da vurğulayıb.