“Türk axını” layihəsinin işə salınması təxirə salınıb

“Türk axını” qaz kəmərinin işə salınması təxirə salınır.

Oxu.Az-ın RİA Novosti-yə istinadən məlumata görə, bunu Rusiyanın “Qazprom” şirkətinin sədr müavini Aleksandr Medvedev deyib.

“Boruların düzülməsi prosesi planlaşdırıldığı kimi başlamadığı üçün son tarix artıq 2016-cı ilin dekabrı olmayacaq”, - Medvedev qeyd edib.

Xatırladaq ki, bir müddət əvvəl Rusiyanın energetika naziri Aleksandr Novak da yeni hökumət heyətinin formalaşmasına qədər Türkiyə tərəfindən “Türk axını” qaz kəmərinin tikinti layihəsi üzrə hökumətlərarası razılaşmanın imzalanmasını gözləmədiyini qeyd etmişdi.