Azərbaycanda avro ucuzlaşdı

Azərbaycanda avronun manata nisbətən məzənnəsi bir neçə gündür davam edən bahalaşmadan sonra bu gün yenidən ucuzlaşıb.

Oxu.Az Azərbaycan Mərkəzi Bankına (AMB) istinadən xəbər verir ki, birvalyuta səbətinə daxil olan avronun manata nisbətdə məzənnəsi bir gündə 0,0019 manat və ya 0,16% azalaraq 1,2059 manat olub.

Onu da əlavə edək ki, avqustun 25-də Azərbaycanda bir avro 1, 2078 manat, bir öncəki gün isə bu rəqəm 1,1994 manat olmuşdu.

Avqustun 25-də bir avro manata nisbətdə 0,7% bahalaşmışdı.

Xatırladaq ki, ekspertlər isə bildirir ki, dünyada avronun dollar qarşısında bahalaşması uzunmüddətli deyil.