Gürcüstana gedən azərbaycanlıların sayı artıb

2015-ci ilin iyulunda Gürcüstana 737 min 696 səfər qeydə alınıb, bu isə keçən ilin analoji dövrü ilə müqayisədə 9,5% çoxdur.

Oxu.Az Gürcüstan KİV-nə istinadən xəbər verir ki, bu barədə Gürcüstan DİN-in analitik-məlumat departamentində bildirilib.

Turist qismində Gürcüstana iyul ayında 336,664 min insan səfər edib, bu, ümumi səfər edənlərin 45,6%-dir, keçən ilin analoji dövrü ilə müqayisədə 2,2% artıqdır.

Gürcüstana səfərlərin sayına görə, iyulda da əvvəlki kimi Türkiyə liderlik edir (buradan gələn turistlərin sayının artımı 12%-dən ibarət olub), daha sonra Azərbaycan (+7,9%), Ermənistan (+11%), Rusiya (+6,6%) və Ukrayna (+0,6%) gəlir.