Tiflisdən bizə 67 milyonluq gəlir

Azərbaycandan Gürcüstana idxal edilən qazın həcmi azalıb.

ANS PRESS-in məlumatına görə, bu barədə Gürcüstan Dövlət Statistika Komitəsi məlumat yayıb.

Hesabata görə, 2015-ci ilin yanvar-fevral aylarında Azərbaycan Gürcüstana 67,4 milyon dollar dəyərində olan 319,85 min kub metr təbii qaz idxal edib. Ötən ilin müvafiq dövrü ilə müqayisədə bu göstərici 17,2 faiz azalıb.

Həmçinin yanvar-fevral aylarında Azərbaycandan Gürcüstana 100,7 milyon dollarlıq məhsul idxal edilib ki, bu da ötən ilin analoji dövrü ilə müqayisədə 15 faiz daha azdır.

Azərbaycanla Gürcüstan arasında qaz idxalının ümumi həcmi 66,2 faizdir. Azərbaycan Gürcüstana bu yanacaq növünün əsas təchizatçısı sayılır.