Azərbaycanlılar Gürcüstana səfər edənlər arasında ikinci yerdədirlər

2015-ci ilin ilk iki ayı ərzində Gürcüstana səfərlərin sayı ötən ilin anoloji göstəricisi ilə müqayisədə 2% azalaraq 600 396 nəfər təşkil edib.

Oxu.Az Gürcüstan KİV-nə istinadən xəbər verir ki, bu barədə Gürcüstan Daxili İşlər Nazirliyinin Məlumat-təhlil departamentindən bildirilib.

Müqayisə üçün qeyd edək ki, 2014-cü ilin yanvar-fevral aylarında Gürcüstana 613 542 xarici vətəndaş səfər edib.

Gürcüstana səfər edən xarici vətəndaşlar arasında birinci yerdə Türkiyə vətəndaşları (81 256 nəfər), ikinci yerdə Azərbaycan vətəndaşları (80 204), üçüncü yerdə isə Ermənistan vətəndaşlarıdır (69 785). Ruslar bu siyahıda 4-cü yerdədirlər – 33 396 nəfər.