Adrenalin yüksəldi, şalvarlarını aşağı çəkdilər – FOTO

Noyabrın 1-i Baku World Challenge yarışmasının ilk gününün sonu möhtəşəm konsert "Adrenalin festivalı" ilə yadda qaldı.
AzNews.info-nun verdiyi məlumata görə, Bakı vaxtilə saat 20:00-da başlayan festival A3-ün "Salam Baku" deməsi və ifaları ilə başlandı.
Daha sonra səhnəyə çıxan Apdeap öz gözəl musiqiləri ilə bütün səhnəni coşdurdu. Lmfao kimi məşhur olan Redfoo-nun gəlişi isə coşquya coşqu qatdı. Öz açıq-saçıq və çılğın rəqsləri ilə Bakılı tamaşaçıların önündə çıxış edən Redfoo və komandası sonda hətta şalvarlarını aşağı çəkməkdən belə çəkinmədirlər. Festivalın növbəti və çox gözlənilən qonağı, Azərbaycan tamaşaçılarının sevimlisi Nicole Scherzinger oldu. Onun səhnəyə gəlişi güclü alqışlarla qarşılandı. Gözəl ifası və cazibədar rəqsləri ilə bu sevgini doğruldan Nicole-dan sonra səhnəyə Amerika şou biznesinin ən sevimli ulduzlarından olan Will.I.Am çıxdı. "Adrenalin festivalı"nda tamaşaçılar bol adrenalin yaşadılar.
AzNews.info festivaldan fotoları təqdim edir.
Fotoların müəllifi: Orxan Səfərli

P.S: Qeyd edək ki, tezliklə saytımızda Baku World Challenge yarışmasından da görüntülər olacaq. Bizi izləməkdə davam edin.