Mətbuat prospektində bıçaqlanan gənc öldü – VİDEO

Bakıda bıçaqlanan şəxs xəstəxanada dünyasını dəyişib.

Yasamal Rayon Polis İdarəsindən ANS TV-yə verilən məlumata görə, rayonun Mətbuat prospektində 27 yaşlı Hamlet Cahangirov nəməlum şəraitdə bıçaqlanıb.

6 bıçaq xəsarəti alan yaralı 1 saylı Şəhər Kliniki Xəstəxanasının reanimasiya şöbəsinə yerləşdirilib.

Lakin həkimlərin səyinə baxmayaraq onu həyatada saxlamaq mümkün olmayıb.

Hazırda rayon hüquq-mühafizə orqanları hadisəni törədən şəxsin və ya şəxslərin müəyyən edilərək tutulması istiqamətində iş aparır.

Faktla bağlı Yasamal Rayon Prokurorluğunda cinayət işi də başlanılıb.