Bakıda avtobus parkında bıçaqlanma baş verdi

Gecə Bakının Xətai rayonu Nobel prospektində yerləşən avtobus parkında bıçaqlanma hadisəsi qeydə alınıb.

Hadisə zamanı həmin parkda işləyən 43 yaşlı Məlikov Pərviz Ramiz oğlu naməlum şəxslər tərəfindən ayaq nahiyyəsindən bıçaqlanıb.

Yaralı ağır vəziyyətdə 3 saylı şəhər klinik xəstəxanasına yerləşdirilib.

Hadisə ilə bağlı Xətai rayon polis idarəsi və 36-cı polis bölməsinə məlumat verilib.

Pərviz Məlikovu bıçaqlayan şəxsin axtarışları isə davam edir.