Azərbaycanlı Rusiyadan yarım milyondan çox pul çıxarmaq istədi

Surqutdan Bakıya uçan Azərbaycan vətəndaşı yarım milyondan çox rublu və 4 min 500 dolları qanunsuz yolla Rusiyadan çıxarmaq istəyib.

Virtualaz.org bildirir ki, xəbəri Rusiya telekanalı SITV.ru yayıb.

İnformasiyaya əsasən, həmin sərnişin gömrüyü keçmək üçün "yaşıl dəhliz"i seçib. Ancaq Avrasiya İqtisadi İttifaqının qaydalarına əsasən, bu yolla sərhədi yalnız on min dollar məbləğlə keçmək olar. Başqa hallarda nağd vəsaitlər mütləq deklarasiyada yazılı surətdə göstərilməlidir.

Hazırda həmin sərnişin barəsində inzibati qanun pozuntusu üzrə iş qaldırılıb. Ona deklarasiyada göstərilməyən vəsaitin ikiqat məbləği həcmində cərimə, ya da valyutanın müsadirəsi cəzası kəsilə bilər.