Rusiyada baykerləri güllələdilər: 5 ölü

Moskva ətrafındakı Yeqorevsk rayonunun Çelnoxov kəndində naməlum şəxs karabindən bir qrup baykeri güllələyib. Nəticədə beş nəfər ölüb.

Oxu.Az xəbər verir ki, bu barədə RİA Novosti-yə regionun fövqəladə xidmətindəki mənbə məlumat verib.

“Hücum edən şəxs “Sayqa” markalı karabinlə silahlanmışdır. Hazırda onun axtarışları davam etdirilir”, - agentliyin sözçüsü deyib.

Hadisənin şahidi olan iki qadının sayəsində hüquq-mühafizə orqanları qatilin şəxsiyyətini müəyyənləşdiriblər.