Azərbaycana düz bağırsağında narkotik gətirmək istədilər

İrandan Azərbaycana narkotik gətirən iki nəfər saxlanılıb.

Dövlət Gömrük Komitəsindən Oxu.Az-a verilən məlumata görə, hər iki şəxs Astara Gömrük İdarəsində saxlanılıb.

Sərnişin şöbəsində Azərbaycan vətəndaşı Səxavət Əhmədovun üzərində şəxsi yoxlama zamanı onun düz bağırsağından 4 ədəd bükümdə, ümumi xalis çəkisi 41,050 qram tiryək aşkar olunub.

Digər Azərbaycan vətəndaşı Aqşin Şahbazlının üzərində şəxsi yoxlama zamanı isə onun düz bağırsağından 2 ədəd bükümdə, ümumi xalis çəkisi 21,275 qram heroin və xalis çəkisi 4,028 qram metamfetamin aşkar edilib.

Hər iki faktla bağlı təhqiqat aparılır.