Muradı atıb Tarkanı tutdu

Türk pop ifaçısı Murad Bozun keçmiş sevgilisi Eliz Sakuçoğlu ifaçını əsəbləşdirəcək daha bir addım atıb.

ANS PRESS-in məlumatına görə, uzun ilərdir Muradın menecerliyini edən və sevgilisi olan Eliz İnstagram səhifəsində yeni video paylaşaraq Boza ismarıc göndərib. Belə ki, meqa star Tarkanın konsertinə gedən xanım gecənin sonunda: "Kəlimələr yetməz bu insan barədə danışmaq üçün"-yazaraq artıq bir neçə ildir ki, Tarkanla aralarında qalmaqal yaşanan Murada atmaca atıb.

Tarkanın solistliyi ilə səhnəyə ilk addımlarını atan Murad Boz daha sonra məşhur ifaçıdan ayrılaraq solo ifaçılığa başlayıb. Muradın ilk klipinin çəkilişində və addımlarında Tarkanın böyük rolunun olmasına baxmayaraq gənc ifaçı meqa stara qarşı kobudluq edib. Murad tanındıqdan sonra Tarkanın onun müğənnilik aləmində heç bir rolunun olmadığını bildirib.