Bu azərbaycanlı 4-cü dəfə Avropa çempionu oldu – FOTO

Bir neçə gün əvvəl Latviyanın paytaxtı Riqa şəhərində start götürən pauerliftinqin WPC versiyası üzrə növbəti Avropa çempionatı başa çatıb.

ANS PRESS-in məlumatına görə, çempionatda həmyerlimiz, Azərbaycan yığma komandasının favoriti, 2012-2014- cü illər ərzində üçqat mütləq Avropa, ikiqat mütləq dünya çempionu, Heydər Əliyev kubokunun sahibi olan Günel Talıbova da çıxış edib.

O, 11 iyun tarixində növbəti uğurlu çıxışı ilə 4-cü dəfə mütləq Avropa çepionu olub.

Qeyd edək ki, Günel Talıbova mütləq dünya rekordçusudur. Onun haqqında Amerikanın, Rusiyanın və digər ölkələrin mətbuatında kifayət qədər yazılar dərc olunub. Həmçinin xeyli sayda müsahibələri yerli və dünya mətbuatında yer alıb.