İstanbulda fabrikdə yanğın baş verib – VİDEO

Türkiyənin İstanbul şəhərindəki 3 mərtəbəli fabrikdə naməlum səbəbdən yanğın baş verib. ANS PRESS-in “İHA”ya istinadən verdiyi məlumata görə, tül fabrikində başlayan yanğın səbəbindən hadisə yerinə Avcılar, Başakşehir, Beylikdüzü, Çatalca, Beykent, Hadımköy, Arnavutköy, Kocasinan, Bakırköy, Şişli və Qaziosmanpaşa rayonlarının yanğından mühafizə briqadaları cəlb olunub. Hazırda yanğından mühafizə dəstələri yanğının söndürülməsi və ətraf binalara keçməsinin qarşısının alınması üçün hadisə yerində iş aparırlar. Yanğının baş verdiyi əraziyə çox sayda təcili yardım briqadaları cəlb olunsa da xəsarət alanlar barədə məlumat verilməyib.

Qeyd edək ki, bundan 20 gün əvvəl də həmin fabrikdə kiçik ölçülü yanğın baş vermişdi.