Moskvaya yeni erməni ittihamı

Tezliklə Rusiya Azərbaycan və Ermənistan da daxil olmaqla bir sıra MDB ölkələrində terrora başlayacaq.

ANS PRESS-in məlumatına görə, bu barədə erməni jurnalist Qalust Qriqoryan son məqaləsində bildirir.

Avropa Komissiyasının başçısı Joze Manuel Barrozunun Davos Forumunda çıxışını əsas götürən Qriqoryan hədəfdə Azərbaycan və Ermənistanla yanaşı Gürcüstan, Moldaviya və Orta Asiyanın da olduğunu bildirib.

Jurnalist məqaləsində rəsmi İrəvanın məsələ ilə bağlı susduğunu bildirir və daha sonra özü də bunun səbəblərini açır: “Serj Sarkisyan bütün dünyada “erməni Yanukoviç”, yəni Putinin marionetkası sayılır”.