Roma papası Ermənistana səfərə hazırlaşır

“Bu qəbildən olan səfərlər mənim üçün çətindir”.

Roma papası Fransisk 2016-cı ildə Ermənistana səfər edə bilər. Bu barədə World Religion News məlumat yayıb.

Oxu.Az “Novosti Armenii”ya istinadən xəbər verir ki, daha öncə 2016-cı ilin aprelində qondarma “erməni soyqırımı”nın 101-ci ildönümündə Roma papasının Ermənistana səfər edə biləcəyi haqqında məlumat yayılmışdı. Amma bu məlumat təsdiqlənməmişdi.

Mənbə həmçinin Roma papasının Ermənistana səfəri barədə ümid etdiyini xatırladıb.

“Mən yaşlıyam, bu qəbildən olan səfərlər mənim üçün çətindir”, - Roma papası Fransisk əlavə edib.