Roma Papası Dağlıq Qarabağdan danışdı

Romada Müqəddəs Pyotr Kilsəsində qondarma “erməni soyqırımının” 100 illiyinə həsr olunmuş liturgiyasında Roma papası Fransisk digər “heç yerdə görünməmiş faciələr” haqqında da danışıb və baş verənlərə görə günahı “nasizm və stalinizm”in üzərinə atıb.

Papa həmçinin XX əsrdə Kambocada, Ruandada, Burundi və Bosniyada baş verən kütləvi qətliamları xatırlayıb, Oxu.Az Vatican insider-ə (Türin, İtaliya) istinadən xəbər verir.

Tədbirə yığışanlara müraciət edən pontifik bu “ağrılı residivlərin” “bütün əzilmişlər haqqında düşünməyə, səmimi və açıq ürəklə sülhün mənbəyi olan bağışlamağa və ümidləri bərqərar etməyə” çağırıb.

“Allah erməni və türk xalqları arasında barışıq yoluna qaytarsın, qoy Dağlıq Qarabağda sülh olsun”.