Dünya gözəli Zakir Həsənov haqqında kitab yazdı – FOTO

«II Vice Mrs. Top of the World-2015» titulunun sahibi, azərbaycanlı model, psixoloq, hüquqşünas və hərbçi Tehranə Bəhruzi müdafiə naziri Zakir Həsənov haqqında kitab yazıb.

Bu barədə AzNews.info-ya məlumat verən ehtiyyatda olan hərbçi, son illər eyni zamanda model kimi məşhurlaşan Tehranə Bəhruzi Zakir Həsənov haqqında kitab yazmaqla onun kimi bir şəxsiyyətin dünyada tanıdılmasında onun da payının olmasını istədiyini bildirib:

"Deyirlər, ideal insan olmur. Zakir Həsənovun timsalında mən tam əksini gördüm. O, öz vətəni uğrunda canından keçməyə qadir bir insandır. O, İDEAL NAZİR tituluna layiq biridir!"

Qeyd edək ki, Tehranə Bəhruzi Zakir Həsənovun yaratdığı Azərbaycan ordusu tarixində ilk qadın xüsusi təyinatlı qrupunun - "Şimşək"-in üzvü olub və buradan ilhamlanaraq nazir haqqında kitab yazmaq qərarına gəlib.

Rusiyada böyüyüb başa çatan, Tehranə xanım Azərbaycanı çox sevdiyini və vətəni üçün bundan sonra da hər zaman xidmət etməyə hazır olduğunu bildirib: "Dünya səviyyəli gözəllik müsabiqələrində iştirak etməklə, modellik sənətinin bütün qapıları üzümə açıldı. Buna baxmayaraq, hərbi xidmət, Azərbaycan Ordusunun hərbi uniforması mənə ayrı zövq verir. Hazırda eytiyyatda olan hərbi qulluqçuyam, lakin ehtiyac yaranarsa yenə qulluq etməyə hazıram. Çünki, Zakir Həsənov kimi nazirin komandanlığı altında ordumuzda qulluq etdiyim üçün hər zaman fəxr etmişəm."

Hüquqşünas, daha sonralar ikinci təhsil kimi psixoloq peşəsinə yiyələnən hərbi qulluqçumuz və model Tehranə Bəhruzi bundan sonrakı fəaliyyəti barədə danışmaq istəməyib və onun üçün əsas məqsəd daim inkişaf etmək və yerində saymamaq olduğunu vurğulayıb.